今日去威院檢查!!

醫生照左阿b一陣, 阿b頭仔有8.xxcm(唔太記得) ,重4磅10士,醫生話阿b屬中size喎,話正常幾好喎

不過我再睇番阿華個阿b,34w時都有5磅咁重既...我阿b細咁多既??定佢阿b大咁多呀?不過太大都怕難生呀,6-7磅都差唔多啦...等出世後先再食肥d啦~~

下星期一二三都要去檢查同聽講座,好期待上堂學幫bb沖涼呀!!!

今日番到公司收到個e-mail,係gm同accountant叫DF既同事安排一部combi車送比我,運費我自己比,車款就可能係Miracle Turn DX /Well Comfort , 不過Well Comfort 我就覺得麻麻地啦~算啦,公司送唔駛費,好過無啦...

1/2 早上仲同阿華傾緊話佢d分秘好似水咁,點知下午佢就去健康院檢查,醫生叫佢即刻入院,因為怕穿水,怕阿b受細菌感染...好彩個時有阿媽陪佢咋,唔係比著我一定唔知點算.

入左院,check完後,真係話穿左水,要準備生...聽到黎個消息我都覺得好特然....早左3個星期出世呀,又係穿水先...同媽咪既case一樣....唔知我會吾會都係咁呢...

阿華手提又打唔通,細佬,阿恩,媽咪爸爸...大家都唔知佢點樣,痛緊?生緊?定訓緊?一直都無消息...我成晚都訓得唔好,擔心佢唔知點...個心都好亂,好緊張~~

2/2 早上8點幾再打比媽,媽話阿華要催生喎...個一刻我就唸,佢係咪痛左成晚呢??以家催生又唔知又要痛幾耐...到左10點幾,媽就打黎話阿華生左啦...9點幾已經生左!!!好叻呀,咁快就生到呀!!!

我有打過電話比阿華,但無人聽...之後阿華打番比我,佢把聲好累. 問佢痛唔痛,佢話好痛...聽得出佢想cry咁...佢一向都話唔怕痛既人都話好痛...我唸真係好好好痛...不過講到bb,佢係好開心既...

其實真係想去探下佢,不過又怕相沖喎...唯有等細佬快d影d相比我睇下啦...可以既話我想星期六去佢家到睇bb...不過唔知得唔得呢~~

見阿華咁快就生得,我自己都越來越緊張,一唸起就好怕,我都忍唔住cry...cry既原因係我又唔捨得阿b快要離開我個肚,以後再唔會感受到佢踼我,係我個肚到玩既感覺...另一個原因係我真係好怕痛,怕會痛得好耐,好驚!!! 不過,我知道我痛完之後就可以見到阿b,個心會舒服好多,痛可以換到一個健健康康bb,我唸係值得既...希望阿b都鍚住媽咪,等我快d生佢出黎!!

黎排都ok,只係恥骨痛左好多,特別係訓覺同起身既時候最痛~連個胸都痛埋tim!!!不過姑娘話係咁喎,正常喎!!!

仲有,下腹無啦啦生左好多妊娠紋...唉....失手tim!!!

阿b黎排成日都move,有時仲好勁下tim...阿b都幾naughty呀,成日要玩玩!!無時停,連訓覺都要玩一輪先肯訓!!

琴日去左健康院,2星期肥左1kg,姑娘話幾好喎~之前驗糖尿都無事,成個人都安心哂...不過b鏈就麻煩d!!! 仲有join左個產前實習班,係教幫阿b沖涼個d架,我都想老公陪我去,不過佢要請假,但如果一個人去,又怕個個都一對,得自己一個,好似怪怪地咁...

以家都開始食下西瓜,煲腐竹糖水個d,清下d胎毒,等阿b d皮膚靚d

下星期又要去威院檢查,到時可以睇到阿b啦~~再下星期一去上實習班,星期二去健康院檢查,星期三又去威院檢查. 好忙...不過我鐘意,番少半日工嘛...但到時怕比gm話咋...

今日阿爸阿媽同細佬下午黎左我家,我地一齊去飯下午茶,食得好飽,埋單緊係我比啦~佢地專登過黎喎

媽咪整左D"雪甲糕"比我食,食左一碗,仲有一碗留番明天食媽咪仲買左D士多啤梨同蕃茄仔比我tim~

佢地坐到5:30到就走啦,我同佢地一齊去沙田行左一陣,我買左2件衫,等生完阿b時著既!!

跟住爸媽佢地就去左飲酒啦...之後約左阿恩行街...因為我想飲珍珠奶茶,所以去左仙x岩到食飯.今餐阿恩請,多謝哂!

之後去左一田行下,買左d 輝春,大口仔公仔,都幾得意,唔算太貴!跟住去左agnes b睇袋. 琴日同老公睇中一個袋,今日唸住買.不過因為無折,覺得好似好貴咁,2千幾架! 所以開頭睇完都仲未唸到買唔買好,點知阿恩佢又睇中左個袋喎..個sales話買滿5千就可以join 會員,仲即時有95折tim~~我個袋加埋阿恩個袋都差唔多4千啦,差少1千就可以做會員,好似好抵咁....最後阿恩買左對頸鏈for 情人節禮物既. 埋單total 5千幾,可以join 會員啦...我個袋計埋唔止有95折呀,有85折咁多呀,好野...其實買個袋係for帶阿b出街用架,大d可以放多d野嘛...

今日駛左2千幾蚊,都算大出血...不過算啦,當送份禮物比自己奬勵下自己啦!!!<---老公話!!

阿b你就黎出世啦...仲有2個月咋,好快....攪到媽咪我開始緊張tim~~<其實我係怕痛呀>

8個月開始就可以食d涼野,排下胎毒....等阿b出世時皮膚又白又滑

上個星期六,無啦啦腸胃炎,睇左醫生,食左d藥好彩無事~~開頭都係到唸,唔會咁快陣痛呀...因為都幾痛下....不過又無見紅喎,唔會咁快就生呀,8個月都未到....阿b唔會咁唔乖既....最後都係虛驚一場 阿b好乖,要足月先出黎玩呀!!!

黎2個星期,身體都ok,行路係重左好多,但隻腳又好似無咁痛喎...不過行得比較慢,可能係阿b大左既關係!!!上次去健康院,姑娘幫阿b check心跳時move黎move去,唔知係阿b同姑娘玩呀,定係驚呢~因為姑娘都幾大力按阿b個頭仔同身體,可能唔舒服!!!

30w2d去醫院到check,醫生話阿b有3磅13安士喎,都算大喎...

阿b黎排都幾活躍下,成日周身move,有時頂到我都有d唔舒服...不過唔緊要啦,起碼我知到阿b既存在....以家要好好珍惜下阿b黎緊2個月仲係我既肚既感覺,因為到佢出左世,我個肚就唔會再有黎10個月咁奇妙既感受啦~~二合為一既感覺真係好神奇!!!

5/1 ~ 求婚2周年

6/1 ~ 拍拖9周年<--雖然結左婚,但都要計埋既~~

點解又係平日既??? 我唸都唔會點慶祝架啦~ 6/1 要同媽咪食生日飯~ 5/1 要去檢查喎,不過都可以出街食下飯喎~~老公點睇呀??

過埋今日,阿B就30W啦~~仲有10W阿B就出世,好緊張!!!不過"登"阿華緊張D,因為佢仲有1個月到阿B就出世啦,好快!!!

黎2日同老公唸緊阿B叫咩名好,梁軒樂,梁樂軒,梁啟樂,梁啓樂,梁棨樂,梁綮樂,夠竟梁咩樂好呢?英文名老公就唸到叫KYLE ,不過仲未係最終決定,要唸清楚D,要幫阿B改一個靚名嘛~~

阿B黎幾日都好活躍呀,成日都踼踼,我起佢又起,我訓佢又唔肯訓住喎..激死~不過我唸我要開始早D訓先得,因為怕阿B出世之後習慣未出世時既訓覺起身時間,咁就難攪啦~~成點都唔訓就麻煩啦!!

前2個星期咪去左健康院到飲糖水既,姑娘話新曆年前無打比我就代表無事,咁以家佢地無打比我喎,咁我係咪無事呢?係就好啦....

過2日要去威院做檢查,到時醫生再幫我照下阿B就好啦,我好想見下阿B呀!!希望係上次個好醫生,佢會幫我照阿B,同埋比張相仔我架!!!

黎排都無咩特別唔舒服,只係行路辛苦D,慢D,痛D...胃口都OK,不過又唔敢食太多野,怕肥嘛~

琴日又幫阿B洗左D衫仔,同埋執下個走佬袋~老公專登買左部抽濕機,吸阿B D衫仔,因為一D太陽都無呀...仲有少部份毛巾,沙巾,同大袍被仲未洗,可能要等多2個星期先再洗啦~

今年係我同老公結婚後第一個聖誕節!!!

因為我有左阿B,所以都唔出街同人迫啦...留係家中度過平安夜!!

今晚老公親手整左個好好味既愛心晚餐比我同阿B食.好過係出面食架!!

佢仲買左2件Cake做甜品,今晚夜d先食!

老公真係好,又煮又洗~我麥都唔駛做 阿B都好開心,食飽飽就係咁踼我啦~

前日去左新城市到影相,不過都無咩野影呀~

阿B係我個肚入面足足有7個月啦!!!我既肚都大左差唔多10吋,唔知仲會大到幾多吋呢?

其實到以家都仲覺得好似發緊夢咁,結左婚一年都無,就有一個7個月大既BB係我個肚入面.由未動胎到以家日日都踼下你,好似同你玩咁,感覺真係好神奇.連老公都話好得意.

有時會係到唸,我唔開心,阿B會唔會都唔開心呢?我笑,阿B會唔會都一齊笑呢?我病,咁阿B會唔會又病左呢?阿B聽唔聽到我同佢講野呢?知唔知我講咩呢?明唔明呢?

由有阿B開始,我就不停有好多問題.最開頭話我有子宫肌瘤,有早產既機會.之後,又話我子宫頸短,有又早產既機會.跟住又話我有B鏈球菌,要食藥同生之前要打針,阿B好似都要打呀. 以家,又怕我有血糖高,要食少d甜野.其實,我真係好唔開心,好怕阿B會有事.又唔想阿B受苦喎. 點解咁多唔好既野會發生係我身上呢?

越接近7個月,我就好怕阿B真係會早出世.成日發夢見到自己陣痛,要生咁. 我唔想未足月阿B就出世,所以成日都好擔心!!不過我會同自己講,我要放鬆心情,唔好咁驚. 我知阿B都唔想媽咪唔開心,會鍚住媽咪既,所以阿B會好乖.等到足月先出黎見媽咪同Daddy.

講真,大肚婆既記性真係會差d架.同埋都幾情緒化,好昜開心又好昜傷心.有時又會驚影响阿B既健康而覺得好傷心.有時見到阿B咁活潑,又會覺得好滿足喎!!!真係好奇妙!!!!

阿B今日有7個月大啦,距離出世仲有3個月呀!好快就可以見到我既寶貝囝囝啦!!!

前2日去左C+到見醫生,醫生話我肥得太多,叫我唔好再食咁多甜野同肥野.我唯有食少d啦…黎2日都食少左野,暫時都頂得住!!!而阿B就唔係好大,都係剛剛好,有2磅9安士.阿B今次又比臍帶左住面仔呀,攪到睇唔清楚阿B,上次又係咁.激死!!!醫生話阿B轉左頭仔啦…乖囝既話就唔轉番喎…

不過今次醫生照得好快,好唔專業咁,照得個2個字都無呀,叫醫生照多次面仔,佢話又阿B拎住左個頭,照唔到喎..咁佢可以move下個肚,等阿B拎番過黎架嘛…但佢無咁做lor…咁就收左$1000,真係好賺啦~下次唔想去佢到呀~

阿B,你又係既,同你講左媽咪同Daddy黎睇你架嘛,仲麥唔拎個頭仔呀. 我見你未訓架喎,唔乖啦…下次唔可以咁架,知無?

今個星期五(聖誕節),娘家會攪party,到時叫左元綠,pizza,仲有我同阿華整既美食,老公都會幫手整飲品tim~真係好想快d到,熱鬧下!!阿B,到時又有好多人陪你過啦..開唔開心先?? 唔知Daddy今年會唔會送禮物比阿B呢?hoho~~~

 老公幫我影左d相,我個肚都幾大下架...d相要留番比阿B讀書時做功課用架!!!