Terry & Fanny 結婚日記 - 2009年3月14日

今個星期既節目~

terryfanny — Wed, 01 Jul 2009 14:56:37 +0800

琴晚睇左變形金剛,都OK 好睇呀,無咩悶場~~~

之後起MK行左一陣街....好似好耐都無試過咁...回復以前拍拖時既回憶咁

今日放假,即刻睇番琴晚既既劇集-花樣男子同埋碧血鹽梟,好好睇呀!! 跟住就陪阿強做功課啦....

琴晚阿恩打黎話星期六放假,唸住黎我家,不過我都想去沙田行下,想買下平衫...買D長身D既衫..因為近排肥左好多,下半身仲肥....點算好....???

ALICE 問我明天晚出唔出去食飯呀,不過我想星期五去多D,因為老公番學,咁又唔駛一個人食飯喎....不過唔知佢地改唔改到日子呢?

阿敏同VENUS約我同阿CAT食7月生日飯呀...其實都好開心,可以有3個好朋友,雖然我地一年只出黎食幾次飯,但係咁樣都算好好...起碼佢地真係用心去做朋友..唔知今次會食d咩呢?

悶悶地

terryfanny — Mon, 29 Jun 2009 21:57:02 +0800

黎排公司都無咩野做....唔知係咪自己做得太快手呢?

所以有時真係幾悶下呀....

阿強星期五至一都要番學....所以自己一個人係家又覺得幾悶下....阿恩又唔黎我到陪我....掛住拍拖唔識得我啦...

悶悶地...都唔知講咩好.... 好無聊!!!

閒生活~

terryfanny — Sat, 27 Jun 2009 19:24:58 +0800

黎排生活都無咩特別...都係番工,放工,番家,做家務,睇下電視,做下功課咁...

都無咩出過街,不過唔知番外家算唔算係出街呢??

黎緊30/6會去睇film , 老公好想去imax到睇變形金剛,可惜無哂位呀...所以都最後都係買定ticket 去旺角UA到睇....唔緊要啦...下次先再去睇過啦~

父親節~~

terryfanny — Sun, 21 Jun 2009 20:48:13 +0800

今日係父親節, 祝所有父親永遠都健康快樂!

以家陪爸爸媽咪過父親同母親節, 遲d 就輪到我過母親節....不過唔知幾時呢~~

屋企近排有件事發生左...可以話又喜又驚....不過當然係喜多過驚啦...加油呀!!!

近排老公成日要番學,星期五番到星期一,又要做功課wor....所以我地都好耐無行街. 放假我要做埋家務先至會出街,費時比佢話我唔做野就走左去玩...不過有時做完都會話我成日出去既....其實,我都好累架....我都想陪你多d ...不過有時自己一個人會好悶,同埋一個星期番家一次其實都唔係好過份jer .....一個星期7日,6日陪足你,留番1日比我都唔得咩?? 唔好再話我好無??

雖然以家已經讀完書,但好多時都要陪老公做功課,仲有成日都要帶公司d野番家做...跟本就無咩時間可以休息...不過間唔中煮下飯都幾開心既,可惜要洗碗lor

終於讀完個Degree啦~

terryfanny — Sat, 06 Jun 2009 13:05:22 +0800

用左差唔多四年時間讀會計....駛左我差唔多11萬.....以家終於完成埋個degree啦...

好開心呀,可以好free啦...

雖然要下年先可以畢業,但無計啦....仲有份final report 未出成績,不過我唸合格既,係唔知高分定低分jer....

黎緊既時間想休息下先....抖下再唸下會唔會再考埋會計師公會ACCA...

唔理咁多住,休息大哂~

關心你~

terryfanny — Thu, 04 Jun 2009 23:22:52 +0800

黎排最擔心就係個細細妹~

其實拍拖唔係大哂架,唸深一陣,父母同家人都同樣重要架~

家人都會係背後支持你 !!

其實最擔心你既人係父母,佢地成日都訓唔著....佢地都好關心你~~

你唔可以只顧只己喎....你要記得佢地身體唔好,你都要關心下佢地...因為佢地真係好鍚你架~

你都要留番D時間比佢地,得閒陪佢地飲下茶,食下飯....好似之前無拍拖時咁呀.....

咁大個人識唸啦...無人會話你,而係個個人都好關心你咋~~話你兩句就發脾氣,唔得架,因為個

個都想你好呀~~~

得閒黎我家食飯同玩啦....我會好開心架~肥B同小B都係呀~

今日番娘家過夜

terryfanny — Fri, 22 May 2009 23:15:42 +0800

今晚番娘家食飯~

老公因為怕我太夜走,而且明天又要番家,怕我辛苦,所以提議叫我係娘家過一晚!

不過我同家人講話番黎住一晚,佢地個個都問我係唔係同老公嘈交...緊係唔係啦....

不過我都好開心,可以番黎住一晚....懷念下以往既生活~~訓番訓左廿幾年既bed ...

老公,你今晚自己顧自己啦...我唔照顧你啦~~

相處之道

terryfanny — Sun, 17 May 2009 10:29:59 +0800

結婚到以家都有2個月啦~

由拍拖到結婚,到以家住埋一齊....原來相處都係一個好大既學問!

有時會好昜因為一些小事而無理發脾氣/受脾氣....

有時又會意見不合.....

總之結婚後就一定會睇到大家既缺點.....可能拍拖時都未發覺!

忍受? 改變? 解決?

今日又下廚~

terryfanny — Mon, 13 Apr 2009 22:50:11 +0800

放假得閒無野做,就緊係要試下下廚整下d未試過整既餸啦...

煲左個湯,不過淡淡地呀...唉,可能多左水?定料唔夠?

跟住整左賴尿蝦,不過落多左辣椒,辣左d呀...同埋無咁新鮮,d肉麻麻咋~

再炒左個翠肉瓜加魚蛋同牛肉丸...都ok既~

轉左台~換埋電話#tim~

terryfanny — Mon, 13 Apr 2009 22:46:13 +0800

今日同老公去攪轉台d野...仲決定換埋個電話#..因為實在太多人打黎找勞工處啦...頂唔順~~

老公仲買左個電話比我tim...係w705,不過未有貨住,要過2日先有貨番呀

多謝老公!!!

又下廚啦~

terryfanny — Sun, 05 Apr 2009 00:45:47 +0800

今日放假,剪完頭髮就一個人去街市買餸...

買左2個薯仔,各1個紅,青椒,$10魚肉,2磅雞翼,$10半肥瘦攪碎,1個薑,仲有$38肉排(黎個好貴)....第一次自己係街市買咁多野...勁!!!勁重lor....

今次自己下廚....整左3餸1湯....味道都ok啦,但份量就多d左啦...食唔哂呀....留番明天午餐啦...好節儉呢.....hoho~~~

紅青椒炒魚肉,本來係要埋黃椒架...但無得買呀!如果唔係仲靚d呀!老公話有6.5分...麻麻咁喎~

蜜汁蒜香肉排,個豬肉佬切到d肉排好似排骨咁喎...老公話有7分喎...ok 啦...

薯仔炒肉碎,我覺黎個都唔錯,可以成日整,成本又平喎,送飯食幾好...老公話有7.5分呀!

生菜魚肉湯,煲耐左,所以d菜暗左色....老公話有7分喎...

好簡單既菜....食到好飽....不過洗就有排洗啦....

細細妹黎左我家呀~

terryfanny — Tue, 31 Mar 2009 00:06:38 +0800

今晚阿恩黎左我家食飯!

由我親手下廚,整左三餸一湯啦...雖然唔係D咩好食野,但總算食得落食得飽啦....都好叻架啦

食飽飽,就同阿恩打左一陣wii , 玩得好開心... 11點佢就番屋企啦,因為太遠,唔可以太遲走呀!

如果佢地成日黎就好啦...可以見多d,開心d~~

新咖啡機

terryfanny — Sat, 28 Mar 2009 23:32:16 +0800

之前申請左張信用咭,迎新禮品係$500 SOGO coupon,於是我地就用黎買部咖啡機.不過仲要貼d錢架....都唔平呢!

部咖啡機老公睇中左好耐架啦,一直都未有貨呀,最近終於等到啦....

今日就去左starbuck 到買左d咖啡粉試下....

有相睇呀,由老公親自整架,好吸引架...再加埋d cake....好味!!!!有無interest黎試下呢???

婚後生活-二人世界

terryfanny — Sat, 28 Mar 2009 09:42:53 +0800

結婚到以家已經有2個星期啦...

有d唔習慣呢! 見少左父母,所以一番親去都好開心,可以既話真係想一個星期番去一次,但有時無時間既話,都要最少二個星期番去一次!

其次係以家自己住,好多野都要親力親為.以前阿媽做番既家務,以家變左要自己做番,洗碗,洗衫,洗地....咩都要做...放左工休息既時間都少左好多咁......問題係以家要自己cook埋,我係一個新手....麥都唔識...都幾難攪

好彩老公佢都肯幫手,好多時大家都分d黎做...唔駛一個人做哂咁辛苦呀~

沙巴之旅

terryfanny — Sun, 22 Mar 2009 23:36:55 +0800

渡蜜月去左沙巴到玩

個邊都幾熱,成30度架...

第一天 8:05am機,好早....差d遲到呀!!!坐左2個幾鐘機,終於到左沙巴啦!有個local 導遊接我地到酒店. 我地住香格里拉resort ,五星級架,好大下,都幾特別不過因為room仲未ready好比我地,所以我地唯有周圍行下,食下野咁啦....酒店附近有d大排檔,飲左d野同食左少少串燒....到算幾平.

之後番到酒店,本來request左海景room架,但因為我地要kind size bed,所以唯有住花園景room啦...不過唔緊要啦...都好relax晚上我地出左市區食左好多出名既野食...有海南雞飯啦,海鮮餐啦...好味!!!!之後仲買左少少豬肉干tim....不過都幾貴呀!!

第二天我地個package包左個浮潛,食完早餐我地就準備出發啦~~~我係酒店到取左少少bread tim呀,準備去畏魚架...去左個小島,有好多魚仔架....

我地join左個水上活動叫做"flyfish"呀,超好玩呀,係海中心玩架,好彩無跌落水咋...哈哈...跟住就去玩浮潛啦....浮到好深呀,leg都點唔到地,好驚呀...不過真係有好多魚食我d包呀...hoho~~~但我捉佢地唔到呀之後午餐係bbq,勁多小flyfly 陪你食lor....

晚上食酒店既buffet,都幾好喎...好多甜品呀...食到好飽呀....之後我地又出左去行啦....食左煲肉骨茶,都幾特別,但就真係太飽,食唔哂呀!

第三天我地join左local tour 去玩激流. 開頭真係好驚架...好怕會跌落水....不過好彩個個guide好好人,差d想跌,佢又扶住我喎...同埋其他boat員都係香港人,溝通到..玩左都幾耐,隻手無咩力啦....好熱tim其實我覺得都幾好玩,不過老公話唔夠激喎...可能唔見到我跌落水啦

玩完水,食埋lunch就番酒店,之後我地又出去行啦...又食左個肉骨茶,不過我地覺得琴晚個個好味d呀...跟住我自己一個人食左一個榴槤呀...keke....好味呀,老公唔like食

晚上我地跟左local tour去食宵夜,食左個大蝦noodles,都唔錯...買左好多手信,朱古力...不過好貴架!!!!

第四天最後一日啦....可以訓耐d先起bed, 慢慢食個早餐.....跟住就要準備出機場啦....

我地訂左10盒雪條,不過個導遊遲左先送黎機場我地呀....攪到趕趕地呀....

起飛.........下午3點番到香港呀~~~~~

ｄ相放左係ｆａｃｅｂｏｏｋ到呀,得閒入去睇啦~

話咁快就完結左新婚旅行啦~~~好唔捨得呀!!!!