文章分類: 一般 (Terry & Fanny 結婚日記 - 2009年3月14日)

公司旅行~胡志明市 <3曰2夜>

terryfanny — Thu, 26 Nov 2009 14:48:54 +0800

兩年一度既公司旅行終於完結啦~~今次去左胡志明市,3日2夜!!!

今年係我第一年join,唔係全公司同事都去,不過會計部就全部去哂lor…而我就有老公陪,所以就破例一次帶埋阿B去玩啦…阿B好勁,咁細個就可以搭飛機啦!!!

第一日

因為早機去,所以晨咁早就要起身,5:30am 呀…book左的士6:15am到,跟住再去大圍接埋個同事,7點到左機場,比預期早tim呀!!!check 完in就同d同事食早餐啦…9點鐘準時起飛~2個鐘頭到,就到胡志明市啦…胡志明市比香港慢1個鐘架!首先,番酒店接老闆,因為佢早一日已經到左啦~跟住再去食lunch!!越式野, 都唔算太難食,不過又唔覺得好豐富喎! 食完野就番去5 star既Movenpick酒店啦,公司安排左間雙人大床room比我同老公.其實我覺得唔算太靚.跟住就free time啦,因為導遊講明話好多人偷野,所以攪到我地都唔敢亂出去行呀,只係約埋其他同事出去食湯河咋~行人路基本上係無咩人行既,馬路又勁多電單車,所以感覺都幾危險咁…食完野就番酒店抖下…訓左一陣,準備食晚餐啦!!! 今晚係上船食,遊船河咁~食物唔算太吸引,不過都唔係話好差!有人唱歌又有人dance…足足2個鐘頭…跟住行左一陣夜市,食左隻大頭蝦,都唔平呀!!!番到酒店都成12點幾啦…好累呀!!!

第二日

Morning call 9點,食埋早餐,10:45集合. 唔知係咪遲左食,所以無麥野好食呀~唯有食粥啦…跟住就去左行市,買左少少手信,因為時間好趕,所以得半個鐘頭行咋…想食個出名既湯河都唔得!!!跟住又去食lunch 啦…d 餐都差唔多樣,無咩特別. 之後,有一個景點,係以前打扙既地方,其實唔太悶,只係好熱…行左差多2個鐘先行完!成個人都散哂啦~~今晚食法國餐, 所以有15mins番酒店洗個face.黎間法國餐廰係胡志明市黎講算係數一數二喎!!環境都幾靚,黑黑地,幾浪漫下!入到去隔離有其他客人,所以老闆係咁叫我地細聲d.首先食個包飲個菇湯,跟住就黎個三文魚salad,再黎個柚子味雪芭清清味…main course係牛排,黎多個甜品…最後一杯apple juice<私底下另叫> ,飽哂!!!黎餐係咁多餐最好既一餐,聽講黎餐一個人都要成四百幾蚊架,都好貴…不過咁貴我又覺得唔係咁值喎…今晚可以早d番酒店休息…明早要check out 啦~

第三日

Morning call 都9點,不過早d起,早d落去食早餐,今次d野食多過琴日呀!!不過都唔係好吸引!食完早餐就係酒店到買左個滴滴咖啡壺同咖啡粉,唸住送比阿華同老公經理,點知得一盒,所以最後決定送比經理啦~阿華話要3in1嘛~~貴野唔要無計啦!!!10:45集合出發,參觀一d藝術工藝品. 都幾靚,不過貴lor…買唔起~~又食lunch啦,今次食buffet , 不過勁多人,好迫下…同埋d野麻麻地好味啦,仲有時間太過短啦~~跟住又參觀d展覽館,郵票局,教堂等…係郵票局到買左d手信比細佬妹,仲有自己tim~~時間差唔多,要到機場啦~~叫導遊買左d托肉同魚露,仲有夫妻糕做手信.拎埋就check in 入閘等上機.因為仲有好多時間剩,所以周圍行下. 老公買左支酒整coffee用既~ 而我就食左個包lor,因為餓,同埋怕飛機餐食唔飽呀~7點鐘起飛啦…個飛機餐果然食唔飽呀~~阿B大食,無計!!!香港時間10:30pm到機場,拎埋行理,番到家都成12點幾啦…沖埋涼,食左個noodles就即刻訓覺啦…都成點幾啦~~

旅程結束!!!

成個行程唔算係好豪華,可能係地方問題啦…好多有關打扙既景點,行到好累,仲有好熱~~好彩請左半日假抖下咋…如果唔係都唔知點殘啦~~~

等我得閒先放d相落黎啦~~近排比較忙....

17W完結~準備踏入18W

terryfanny — Sun, 11 Oct 2009 13:13:37 +0800

今個星期阿B好乖好叻tim呀!!

17w4d個晚(約11點幾),阿B第一次踼我呀...佢好輕力咁彈左我4下到呀...感覺好神奇,好得意.阿B終於有力踼我啦....攪到我超開心!!

17w5d晚飯時間,又feel到阿B彈我啦...唔知佢係咪知道就開餐呢!!餓餓呀~~

17w6d(琴晚12點幾),我準備訓覺時,平訓係到...阿B不停咁彈我呀...今次連阿強到feel 到呀,最後個下好大力下tim...唔知係咪佢唔like我平訓頂住佢訓呢?? 但係點解阿B咁夜都唔訓覺既...打打呀!!

17w7d(早上10點幾),我起身時阿B又彈左幾下啦....今早阿強又煮左個營養餐比阿B食啦...我都飲左杯奶,阿B你吸唔吸收到呀?

有肉丸,不過我無食呀~

西班牙腸仔蕃茄炒滑蛋...仲有茄汁豆,不過無影到相呀!

下星期六會去C+到睇阿B,阿B你到時記住唔好訓覺呀....媽咪同DADDY專登去睇你架~~到時記住比媽咪睇下你係男仔定女仔喎...因為DADDY話個日即刻買件衫仔比你呀~

中秋節後記

terryfanny — Sun, 04 Oct 2009 12:04:39 +0800

今年係我的家既第一年既中秋. 今年有老公同阿B陪我過.

晚上我地去左沙田睇花燈,都好多人下...迫下迫下~~

我地又去左city super 到買左d野食,老公買左條西班牙腸仔,買左一盒日本巨蜂提子,同有買左包薯片.都幾貴下,不過間唔中買黎食都唔緊要既...最緊要開心!!

11點幾先番家~本來唸住食冰皮月餅,但係實在太冰啦...等唔到,唯有明天再食啦...所以食左個半島奶黃月餅,仲有幾粒巨蜂提子....1點先訓覺,阿B一早就訓左!!

星期日老公就親手煮左個西班牙腸仔,牛油奶炒蛋+火腿比我同阿B食 ,D西班牙腸仔原來係酸酸地架,都幾特別下~~食飽飽麥都唔駛做,老公做哂...我又可以抖下...

愛心井

terryfanny — Mon, 07 Sep 2009 20:34:47 +0800

星期日由老公親手整左個井比我同阿B食呀!

黎個井係跟阿SO上次介紹做既!材料簡單,但所需既時間都唔少呀~~

我同阿B都有幫手壓薯仔架,都好累下架!!

老公仲整左D肉丸tim~~~

食到我同阿B都好飽呀!!

今日帶左D番工,D同事都話勁喎!!

阿妹既生日飯

terryfanny — Sun, 23 Aug 2009 17:12:22 +0800

阿恩22/8生日,所以一家人就提早同佢食生日飯啦!!

今次去左阿拉廚房到食,個位其實都幾迫下,d冷氣又唔得...食到個個出哂汗呀!!!特別係老公同爸爸....

我地都叫左好多野食,食唔哂tim~~~講真我覺得d食野無想像中好味,水準好似差左tim~~環境都差過以前好多.

不過,最緊要係大家食得開心, 一家人一齊食飯已經好好!!!而今次食飯就比以往少左一個人. 而黎個人我唸都再無機回一齊食飯,甚至再見面. 有d可惜!!!話哂都識左幾年呀!!

我同老公送左份禮物比阿恩,雖然唔係d咩貴野,但都係一份少少既心意,希望佢鐘意啦!!!不過有d唔係咁好,送比阿恩,但就無送比梓偉,好似偏心左d tim ......不過佢都大個仔,明白既!!!!有時黎d野係用心架嘛~~

又番娘家~~

terryfanny — Sat, 15 Aug 2009 12:22:48 +0800

星期五老公考試, 而我又好想食酸辣湯,所以就叫阿爸同阿媽陪我食.

我地去左荃灣既上海婆婆到食飯, 叫左個酸辣湯,小蘢包,x糊粗炒,椒鹽小黃魚,糖昔排骨,同四季豆. 食到好飽呀!!!不過好味道!!!

跟住行左一陣街,消化下~~

番娘家住一晚,不過阿恩同偉都唔係家....

星期六,老公會黎接我,係到食埋飯tim, 阿華同佢老公都黎呀....不過都係唔齊人....唔緊要,下星期會同阿恩食生日飯,到時就齊哂人啦...good!!!

公司好多野做~~~

terryfanny — Sun, 09 Aug 2009 14:42:28 +0800

黎排公司勁多野做呀...好似無停過咁呀....gm又無停咁加野比我做喎...

不過我都唔會因為咁而成日ot既.....我寧願不停做,少說話多做事.快d做埋放工休息下好過...休息大過天!!!!陪家人大過天!!!!

近排真係肥左,連d同事都咁講!!!肥到幾時呢????

上天註定!!

terryfanny — Sat, 18 Jul 2009 18:42:50 +0800

有時真係覺得做人好奇妙!

你沒想那麼快得到既野竟然就好快比你得到.....可能係天註定佢要咁早黎找你啦~

不過, 我都會努力咁去照顧佢, 唔比佢受任何既傷害 !!!你都要聽話呀!!!

我同阿華都要一齊加油.....

公司又有平野買啦~

terryfanny — Thu, 16 Jul 2009 22:38:42 +0800

琴日公司又有平貨買呀...今次我又買左好多野呀....有D留比自己,有D比阿華既....

D鞋仔好得意架~黎到D相係其中一部份,仲有幾件係公司未拎番黎呀~~遲D再POST過!

7/7 我的生日!

terryfanny — Wed, 08 Jul 2009 23:06:09 +0800

7/7係我,阿華同細佬既生日大日子呀

前一晚爸爸媽咪請我地食飯,我地全家人都齊哂,不過除左阿龍無去,因為佢肚呵,去唔到. 全家都食得好開心

生日要番工,唔係咁開心!! 點知個Accountant 送左盒朱古力比我喎,個一刻覺得好開心,因為有禮物收. 同埋真係估唔到佢會送野比我呀!!多謝,doris !!!

原先唸住今年都無咩特別,點知到下午有人送野上黎公司,原來係老公訂左束rose比我呀...黎個真係好surprise 下d同事都話老公咁好tim!!

放工等老公黎接我,之後我地去左todai到食buffet ,勁多人呀! 食得勁飽..!!!

之後老公唸住同我行街,睇下有咩買比我,但因為太夜,同埋我暫時都唔知要咩好呀,所以遲先d補番啦...等下我唸下先~

其實都過得好開心,因為有我愛既人陪我一齊過!!!

Shopping 天~

terryfanny — Sat, 04 Jul 2009 22:44:06 +0800

今日約左阿恩去沙田新城市到shopping....我地2個都買到衫

之後就去左city super到買料,唸住今晚食一餐西餐.

我地買2兩件牛排,其實有我,老公同阿恩三個人架...不過因為太貴啦...所以只係買左2件排咋...我同阿恩share啦...買左包salad 同其他雜料....

番到去....我仲齊埋焗薯tim,不過係用叮既方法...阿恩買左d 罐頭湯, 而老公就負責整牛排. 好快就食得飽飽!!!

恩又買左d車厘子同ice-cream比我...食後果及甜品...

咁又過左一日啦....超快!!!!

今個星期既節目~

terryfanny — Wed, 01 Jul 2009 14:56:37 +0800

琴晚睇左變形金剛,都OK 好睇呀,無咩悶場~~~

之後起MK行左一陣街....好似好耐都無試過咁...回復以前拍拖時既回憶咁

今日放假,即刻睇番琴晚既既劇集-花樣男子同埋碧血鹽梟,好好睇呀!! 跟住就陪阿強做功課啦....

琴晚阿恩打黎話星期六放假,唸住黎我家,不過我都想去沙田行下,想買下平衫...買D長身D既衫..因為近排肥左好多,下半身仲肥....點算好....???

ALICE 問我明天晚出唔出去食飯呀,不過我想星期五去多D,因為老公番學,咁又唔駛一個人食飯喎....不過唔知佢地改唔改到日子呢?

阿敏同VENUS約我同阿CAT食7月生日飯呀...其實都好開心,可以有3個好朋友,雖然我地一年只出黎食幾次飯,但係咁樣都算好好...起碼佢地真係用心去做朋友..唔知今次會食d咩呢?

悶悶地

terryfanny — Mon, 29 Jun 2009 21:57:02 +0800

黎排公司都無咩野做....唔知係咪自己做得太快手呢?

所以有時真係幾悶下呀....

阿強星期五至一都要番學....所以自己一個人係家又覺得幾悶下....阿恩又唔黎我到陪我....掛住拍拖唔識得我啦...

悶悶地...都唔知講咩好.... 好無聊!!!

閒生活~

terryfanny — Sat, 27 Jun 2009 19:24:58 +0800

黎排生活都無咩特別...都係番工,放工,番家,做家務,睇下電視,做下功課咁...

都無咩出過街,不過唔知番外家算唔算係出街呢??

黎緊30/6會去睇film , 老公好想去imax到睇變形金剛,可惜無哂位呀...所以都最後都係買定ticket 去旺角UA到睇....唔緊要啦...下次先再去睇過啦~

父親節~~

terryfanny — Sun, 21 Jun 2009 20:48:13 +0800

今日係父親節, 祝所有父親永遠都健康快樂!

以家陪爸爸媽咪過父親同母親節, 遲d 就輪到我過母親節....不過唔知幾時呢~~

屋企近排有件事發生左...可以話又喜又驚....不過當然係喜多過驚啦...加油呀!!!

近排老公成日要番學,星期五番到星期一,又要做功課wor....所以我地都好耐無行街. 放假我要做埋家務先至會出街,費時比佢話我唔做野就走左去玩...不過有時做完都會話我成日出去既....其實,我都好累架....我都想陪你多d ...不過有時自己一個人會好悶,同埋一個星期番家一次其實都唔係好過份jer .....一個星期7日,6日陪足你,留番1日比我都唔得咩?? 唔好再話我好無??

雖然以家已經讀完書,但好多時都要陪老公做功課,仲有成日都要帶公司d野番家做...跟本就無咩時間可以休息...不過間唔中煮下飯都幾開心既,可惜要洗碗lor