近排勁忙...又要攪新居d野,又要攪結婚d野,又要大掃除,番工又辛苦,黎緊又要開學....成個人都好大壓力,好煩!!

成日又受人氣....有時真係覺得好辛苦!!!成日都話我大聲,唔通你又唔大聲呀???我係有好多野都唔識,咁你咪慢慢講lor...唔駛好唔耐煩咁呀我覺得真係好難受!

我真係好怕自己會有婚前恐懼症.....通常“症狀”是煩躁,脾氣比較急,愛發火,有的人會沉默寡言,不願多說話,進而影響到工作和生活.....唉....好似樣樣都有咁既 其實,我覺得佢對我真係無以前咁好,有時真係覺得佢對家人仲好過對我....以前佢唔係咁架,好就我,唔會亂發我脾氣架...雖然可能事實未必係咁,但我黎一刻就係感覺咁樣lor....個心好唔舒服

本來好開心咁執下野,睇下有咩可以搬左新屋先....點知一句話唔急住,就打浸左我既興奮都係既....間屋暫時都唔係我住,未屬於我....咁急仲咩喎....抺野抺到隻手又"很"又"痛"...

仲有60日就係我既大日子.....真係好希望我將來係一個幸福快樂既新娘子!!!

阿強阿姨同姨丈車我地周圍睇....

行左成日,終於係田貝(唔知有無記錯地方)到買左4盞燈...yeah~不過就要自己拎番黎香港lor

之後仲買左個廁所櫃同埋馬桶,黎d就下星期日送貨黎香港...希望到時順順利利啦

買左d廚房用具,不過未買齊...遲下有時間再去睇先!

大陸買野真係平一半呢!!抵!

結左婚後,我地會番阿強間old 屋到住,係馬安山耀安村

 其實以前係唸住住係以家供緊層新樓到架,居屋黎架,3room~阿強同佢父母細佬一齊住,本來佢爸爸話等我地結婚時比番我地住,佢地就番old屋到住....但最後竟然唔同左version......可能佢細佬係old屋住緊掛.....佢爸話一齊住新屋,但比番間主人room我地,佢地就訓阿強間room~~下.....我唔想咁lor....一黎阿強間room咁細,點可以2個人住喎,同埋佢地係長輩,唔好意思啦;而我無理由結婚後訓咁細間room喎.....二黎我想二人世界多d lor,佢細佬又係到喎,好唔方便,咁多男人係家,好dirty咁

阿媽又話一齊住會有好多argue~~相處好同住難嘛所以最終到番old屋到住....

咁又係...一齊住好似寄人蘺下咁....而且我真係想有一個屬於我同阿強既家....一家三口,開開心心