26W2D,有約1KG到咁重.

阿B今次又肯比我樣仔我睇,乖仔!不過因為"池帶"係鼻附近,所以影出黎張相個鼻有D怪,醫生話係咁喎...

阿B似邊個多D呀?老公話似我喎...

阿b 6個半月啦~好快呀!!距離預產期仲有3個半月呀!!開始有d緊張,好怕阿b會早出世呀!!!阿b,你要乖乖呀,足月先出黎玩啦~~

下星期二下午要番威院覆診,唔知有無機會見到阿b呢!!跟住星期五上午,要去健康院飲糖水,希望pass啦....下午又要再番威院覆診,今次有得見阿b,希望醫生比d阿b既相我,等我可以比daddy睇下阿b有幾可愛!!!

唔經唔覺,原來阿b有好多新衫仔啦...多到都唔知著唔著得哂tim~~不過見到d衫仔真係好開心,因為全部都係比我個乖b著既,值得買既!!!

橙色好型呀~~~

幾靚!!

冷外套仔!!

褲仔,好似好長咁!!

麪包超人衫仔係Connie姨姨買既,都唔平架!!

女仔著好d,但bb唔緊要啦,打底lor~

粉紅色~

細姨送架,馬莎買架,貴野黎架!!!阿b要鍚鍚阿姨呀!!!

包被仔黎架,訓覺出街都可以著!!

表哥都有呀,同款唔同色,一齊著就好似twin仔咁~~好Q!!!

腰圍帶,怕阿b肚仔凍親!!

尿墊布

比阿b番媽咪到訓時用既!!

都係Connie姨送既,又係貴野!!

細姨買既!!!

包被仔!!

細姨同大姨買既...

放係bb車到,保暖喎~

媽咪袋...隔離細個個係保温袋!

同事送比我既,放係阿b張床仔到....

公司抽獎win番黎,不過只係for初生bb用架!!!

消毒鍋

阿B足24周啦...6個月大啦...仲有4個月就出世!!!

係黎6個月內,阿B又坐過船去澳門,又坐過飛機去胡志明市玩. 阿B好叻,好聽話,好乖仔! 唔駛媽咪擔心呀!

唔知係咪阿B like食甜野呢,攪到我都like 埋,好似食多左tim...真係要忍一忍先得!!一陣過唔到飲糖水個關就麻啦...

近排又大食左,食完好快又餓呀...体重又個個星期都增加喎!會唔會超磅呢???我又怕肥,但又怕阿B無野食...點算好呢?阿B你平時會唔會餓餓架?

點解d人都話阿華個阿B細過我阿B呀?我阿B細佢3個Week喎…唔普阿B好肥???肥仔B>.<

不過個肚近排都大左好多..阿B又成日游來游去咁!!好得意~~

今個星期二去左健康院做檢查,今次我個肚唔係最細個個啦...仲有人細過我呀,哈哈!等左幾耐先到我見姑娘.今次又係個個怪怪姑娘,雖然係怪人,但佢都幾詳細既,同我傾左好耐下tim~阿b心跳好正常,乖仔!!!

星期三去左威院做結構,等左唔算耐.首先做左個子宫頸測試,個結果唔太滿意,所以下星期二要再去覆診呀之後,再做結構,阿b一齊正常,不過可能個tv太遠,所以我睇唔清楚,但老公話睇到...我睇得最清楚都係骨同手腳咋..真可惜!!

以家都幾worry星期二個覆診,希望無事啦....唔係就可能會早產架啦!!!now都無同阿媽佢地講,費時佢地又worry一份啦!!阿b,你要足月先出世呀,知無!!!

頭先,叫左細佬幫我同阿b影相,仲幫埋阿華個阿b影相tim~~孖生一齊有bb,2個大肚婆企埋一齊都幾攪笑!!我阿b細阿華個阿b3個星期架...其實佢個肚大我個肚都幾多架,不過咁樣睇落去好似唔差好遠咁!!

唔經唔覺已經到5個月啦...完成左一半既路程!!阿b好叻,阿b加油!!

重陽節個日,我地一家三口去左澳門到玩,食左好多野,有d仲係唔食得既,不過我知阿b唔會怪媽咪既,阿b抵鍚呀!!我同老公唸過,下一次再去澳門既時候就係阿b 2-3歲到,到時一定會好開心!!

黎排飲緊中藥,話安胎既,不過真係勁苦lor....阿b你覺得點呢???好飲嗎???我地一齊頂硬上啦!!!

阿b黎幾日踼得密左,同大力左呀...你daddy話好得意喎....好開心成日摸你tim...不過仲麥你咁night都唔訓覺覺豬呀...係咪聽到媽咪同daddy把聲,想同我地玩呀?阿b乖呀,早d訓啦...

媽咪下星期二同三又去檢查啦...星期三仲可以見到你tim呀,到時唔好訓覺呀,比媽咪睇清楚d你呀!

約左11:30am,等到差唔多1點都未得,下一個就到我,點知醫生因為要趕住出去接生,所以走人,攪到要再約到下午3:45pm,仲要係中環tim....激死!!!

食下野,行左一陣就去中環,去埋H&M到睇,有件bb衫好靚,不過係全白色架,好昜dirty,同埋又未知阿b係囝定囡喎...所以都係唔買住...忍手!!

2:30pm上左去診所,又勁多人,仲要再等多5個人...唉.....等到差唔多5點先有得睇呀....入到去就即刻照啦...

阿b今次又乖乖訓左係到...醫生睇左佢既五官,有眼球tim,個口好似似我多d tim~hoho!!之後醫生再用3D睇阿b個樣,阿b竟然放左隻手係左邊面到...仲咩唔比媽咪同daddy睇全相呀~~怕羞呀 之後再用3D照阿b,阿b好似做瑜伽咁,U型將隻腳放到頭咁高呀,踼埋腳仔tim,隻腳仔好長下呀...醫生照到阿b係囝囝呀,有d野係到喎....

阿囝有成10安士重呀,大左2日呀...反而我就肥得1.5kg咋,可能比佢吸收哂. 唔緊要啦,最緊要係阿囝健健康康就得...

阿囝,daddy仲差你一件靚仔買呀..因為琴日無時間買呀...下次補數喎!!

阿b放左隻手係左邊面到...

今個星期阿B好乖,無咩扭計唔肯食野...仲有肯比媽咪食下同飲下D凍野tim~抵鍚

朝頭早起身,摸下個肚,阿b特別脹架,好得意!!!不過企起到又唔覺脹喎~

唔知阿B幾時會踼我呢???好期待,不過又唔知踼我會係點既....有咩感覺呢??

都有成個月無見阿B啦,好掛住你呀~你住得好唔好呀?舒唔舒服呀?食得飽唔飽呀不過阿B你好似食少左野喎...唔可以唔食野架!!!

成2個星期都無寫日記啦....

過埋今日,阿B就踏入第15W啦...

阿B好鍚媽咪...我成2個星期都無嘔過啦...好乖!!!

不過阿B黎排鐘意左打邊爐呀...所以今晚又打邊爐~

前日同CONNIE食飯,佢送左D衫仔同口水巾比阿B呀,全部都係麪包超人黎架...阿B,快D多謝CONNIE姨姨呀

琴日同阿華一齊去左花園街到買衫仔.D衫真係好平,都幾靚,我都買左2件比阿B.. 黃色既...而阿華個阿B就買左同款但就係綠色既...一齊著住好似住孖B咁...好得意

同埋阿華終於知道佢阿B係仔定女啦...媽咪同爸爸都好開心咁...我都"登"佢開心. 唔知阿B係仔定女呢? 我10月都會去照下阿B,睇下阿B係仔定女先...跟住先再買衫仔,等我唔駛成日都買黃色衫呀!!!

黎3日竟然無嘔到喎,仲好食得野tim~唔知係咪阿b開始識吸收呢,肯吸我d營養呢?定係佢知媽咪辛苦,所以對我好d呢!

今個星期都未見肚,只係摸到阿b少少.唔知佢以家住成點呢?舒唔舒服呢?

不過黎幾日心情都好飄忽下…好昜唔開心,話我少少野,我都覺得無人理解我,無人鍚我咁…只得阿b一個鍚我.唔知點解呢?

黎排勁想飲凍野,食凍野…阿b,比媽咪食少少好唔好呀?

成日都覺得好眼訓咁…不過要等到星期六日先可以訓多d.等5日先有2日抖…唉!!!唔駛番工你話幾好呢!!!

就快中秋節,我要帶阿b去婆婆同阿姨家送餅,伯娘又唔知駛唔駛去呢…我想買個燈籠仔比阿b,應下節都好呀!

阿b,你已經有三個多月大啦…媽咪好開心見你日日都不斷地成長.

雖然媽咪既害喜情況都未好轉.但咁樣先知你生長緊.

今早媽咪又嘔黃旦水啦…仲嘔埋血tim….嚇死媽咪…怕你有事呀!!

不過我唸都係嘔傷左個胃,如果黎2日都無事,我都唔去睇醫生啦…阿b好叻,一定會無事既!!

阿b,你開始吸收媽咪d營養未呢?你鍾意食咩呀?唔鍾意食咩呀?記住話我知喎~~

你daddy黎排成日打奶同整咖啡. 無咩時間陪你玩陪你訓覺呀. 唔好睬佢jer…

講下笑jer….佢都好鍚你架,日日都有摸你同鍚你,又買衫仔同被仔比你tim!不過記得唔好學佢咁大聲講野呀!要斯文d呀!!

阿b, 媽咪同daddy會10月去睇你呀,到時你都好大個啦….可能仲知你係男定女仔tim ~

好期待呀!!!

愛你的媽咪上<08/09/09>

今個星期成個人都好累,訓極都係好眼訓咁....番工無哂精神呀!!!

反而今個星期食得少左,特別係星期尾,食完好頂胃...太頂又想嘔咁....Night都唔會因為餓而找野食.

肚仔方面,都係未見肚啦...大肚腩就有個, 不過摸到阿b係大左,脹d既!!!

終於有同事問我係咪有左啦....今次可以講得,阿b唔會小氣.媽咪都想比人知有左你黎個小寶貝.

琴日去荃灣吉之島買左3件底衫你比阿b,仲買左一set winnie the poor既bedding比阿b ...阿b你一定鐘意,因為我都好鐘意

阿B足三個月啦...可以話比大家聽梁家寶寶將會係2010年3月份出世(預計)

今個星期三帶左阿B去做oscar, 一齊正常 !!成個人都安樂哂!!

阿b今日都係訓,見到佢張開左口仔,隻手仔放係個口到...跟住可能訓著左,醫生大力move佢,佢都無咩反應~~阿b,阿媽同婆婆黎睇你,你仲麥又訓覺呀?上次daddy睇你,你又係咁樣.麥你好眼訓咩? 

醫生估你係仔, 不過都係估既...我反而鐘意你係仔多tim~~不過唔緊要,都一樣鍚!!

今次阿b又大左,有5.9cm呀!!!大得好快, 同埋阿b鐘意係我左邊肚既位置 .係咪舒服d呀?

唔經唔覺己經踏入11W啦...阿B加油!!!

今個WEEK都無咩特別,有1次嘔黃膽水,1次正常既嘔,同埋少少作嘔咁,特別係餓餓既時候!!

胃口方面都OK,都算食得多野,食完又好快餓.

今個星期又食左1次酸辣湯麪,特別開胃既!!!星期五食左1次元氣,忍唔到口食左3件燒帶子,2件燒三文魚同2件海膽八抓魚,其實話係燒,但只係得表面係燒過,入面都係生既.不過其實好味道,所以食左先算. 唔知阿B係咪受唔到呢.個肚突然勁痛,係要呵個隻tim....即刻去左廁所攪掂佢....肚呵呀!!!!差d嚇死我,幾驚阿b你都呵埋出黎呀!!好彩你叻,媽咪同你都無事!!!真乖!!!

起初知道有左你,醫生話你只有5周幾,得一粒芝麻咁大,未知會唔會成長到既時侯.我都係半信半疑,好似發緊夢咁!因為媽咪真係無唸過你會咁快黎我身邊.

後來開始出現作嘔作悶既情況,真係開始感覺到你既存在.

到我10周幾,再去醫生到見你既時候,你已經有人型,有心跳,有手有腳仔.當我聽到你心跳既時候,我真係覺得好開心,覺得好奇妙.

令我最擔心既係,醫生話你附近有粒肌瘤,你大既同時佢都會大.我好怕會影响到你發展.你唔駛怕架.媽咪會保護你架!!

我以家每日都會同你講,"阿B你要叻d,食多d野,快高長大,唔好令我同Daddy擔心,知無?" 我知你聽到架.

其實係黎短短既日子,我真係覺得做媽咪係好偉大,好辛苦.

阿B,你都要鍚住媽咪呀!!!

愛你的媽咪上<28/8/09>

唔經唔覺已經10W啦...今個星期阿B都幾乖,肯食野...特別係星期六同日呀,食完一陣又餓餓呀...攪到媽咪係咁食野...肥死我啦

阿B,你係咪好鐘意食酸辣湯拉麪呀?點解一個星期可以食4次架...係咪好開胃呢? 不過以後都唔好食咁多刺激野啦...怕影响你發育呀!!!

星期六,我同Daddy去睇你....你係咪訓著左呀,鍚左一陣腳就就唔踼呀...好眼訓咩?

你有3.75cm大呀,心跳有169bpm. 媽咪聽到你既心跳好開心,攪到笑左出黎,點知比醫生話呀,因為笑到"姐"住你既心跳聲呀

不過醫生話有你附近有個鄰居喎...2cm大既子宫肌瘤.你唔駛怕佢架...醫生話無事,你當睇唔到佢就得架啦....

過多2個星期媽咪先黎睇你呀,到時你要叻d呀...比醫生度頸皮呀...

阿姨送左對手套同腳套仔比你呀...黃色架,好意得架!!!